Mæðrastyrksnefnd eru samtök sem styðja við einstæða foreldra og forsjáraðila, öryrkja, eldri borgara og aðra sem hafa lítið á milli handanna með matar- og fataúthlutunum auk annarra styrkja.
Til Mæðrastyrksnefndar leitar fólk sem þarf á aðstoð að halda, ýmist tímabundið eða til lengri tíma. Við stöndum fyrir úthlutunum tvisvar í mánuði þar sem hægt er að fylla poka af matvælum og annarri nauðsynjavöru.
Við úthlutanir starfa sjálfboðaliðar sem margar hafa verið við sjálfboðaliðastörf hjá samtökunum í mörg ár og eru fulltrúar þeirra kvenfélaga sem standa að Mæðrastyrksnefnd, en þau eru: Thorvaldsensfélagið, Hvítabandið, Félag háskólakvenna, Hvöt, félag sjálfstæðiskvenna, Kvenfélag Alþýðuflokksins og Félag framsóknarkvenna.
Með því að gefa poka leggur þú þitt af mörkum við að styðja þau sem þurfa á því að halda. Ykkar stuðningur skiptir sköpum.